Xalq Bank III rübün yekunlarını açıqladı

Ölkənin ən böyük özəl banklarından biri olan Xalq Bank 2025-ci ilin III rübünün maliyyə göstəricilərini açıqladı. Bankın aktivləri ötən ilin analoji dövrünün sonu ilə müqayisədə 23% artaraq 3,631 mlrd manat təşkil etmişdir.

Qeyd olunan tarixə Bankın kredit portfelinin həcmi (digər maliyyə institutları daxil) 1,890 mlrd manat, depozitlərin həcmi ötən ilin analoji dövrünün sonu ilə müqayisədə 32% artaraq 2.7 mlrd manat təşkil etmişdir.

2025-ci ilin III rübünün sonuna Bankın cəmi kapitalı ötən ilin analoji dövrünün sonu ilə müqayisədə 7% artaraq 534,2 mln manat, xalis mənfəəti 51,5 mln manat təşkil etmişdir.

Bankın faiz gəlirləri ötən ilin eyni dövrünün sonu ilə müqayisədə 21% artaraq 165 mln manata, qeyri-faiz gəlirləri isə 24% artaraq 40 mln manata yüksəlib.