Xalq Bank Xankəndidə keçirilən “Qış Nağılı” yarmarkasının tərəfdaşı oldu

Xalq Bank növbəti dəfə korporativ sosial məsuliyyət layihələrini dəstəkləyərək Xankəndi şəhərində dekabrın 27-dən yanvarın 4-dək keçirilmiş “Qış Nağılı” yarmarkasının sponsoru qismində iştirak etmişdir.

Xankəndi şəhərinin Zəfər meydanında baş tutan tədbir Xankəndi, Ağdərə və Xocalı rayonları üzrə Azərbaycan Respublikası Prezidentinin xüsusi nümayəndəliyi tərəfindən Dünya Azərbaycanlılarının Həmrəylik Günü və Yeni il bayramı münasibətilə təşkil edilmişdir. Yarmarkada bir çox şirkət və müəssisələr təmsil olunmuş, həmçinin fərdi şəxslər öz məhsullarını nümayiş etdirmişlər. Həmçinin, dekabrın 28-də tədbir çərçivəsində Xankəndi şəhərində konsert proqramı təşkil edilmişdir.